11:48pm 13 September 2026
NEWS
മേഖലാ സമാധാനത്തിനായി ഖത്തറും സൗദിയും ചർച്ച നടത്തി; നയതന്ത്ര ശ്രമങ്ങൾക്ക് പിന്തുണയറിയിച്ച് പ്രധാനമന്ത്രി
13/09/2026 11:42 AM IST
nila
ദോഹ: മേഖലയിലെ സംഘർഷങ്ങൾ ലഘൂകരിക്കുന്നതിനും സുസ്ഥിര സമാധാനം പുനഃസ്ഥാപിക്കുന്നതിനുമായി ഖത്തറും സൗദി അറേബ്യയും തമ്മിൽ ഉന്നതതല ഫോൺ സംഭാഷണം നടത്തി. ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽതാനിയും സൗദി വിദേശകാര്യ മന്ത്രി ഫൈസൽ ബിൻ ഫർഹാൻ അൽ സൗദ് രാജകുമാരനും തമ്മിലാണ് ചർച്ച നടന്നത്.
ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതൽ കരുത്തുറ്റതാക്കുന്നതിനൊപ്പം, മേഖലയിലെ ഏറ്റവും പുതിയ നയതന്ത്ര നീക്കങ്ങളും സംയുക്ത ഏകോപനവും സംഭാഷണത്തിൽ വിലയിരുത്തി. സമുദ്ര ഗതാഗത സ്വാതന്ത്ര്യം ഉറപ്പുനൽകുന്നതും മേഖലയിൽ ശാശ്വത സമാധാനം കൈവരിക്കുന്നതുമായ ഏത് സമഗ്ര കരാറിനുമുള്ള നയതന്ത്ര ശ്രമങ്ങൾക്ക് ഖത്തറിന്റെ പൂർണ്ണ പിന്തുണയുണ്ടാകുമെന്ന് പ്രധാനമന്ത്രി വ്യക്തമാക്കി.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
